A-Z ALI KIBA ALIVYONUSURIKA KUUAWA!

barbra william

Hatari sana! Mkali wa Ngoma ya Chekecha Cheketua, Ali Saleh Kiba ‘King Kiba’ amenusurika kifo baada ya kuvamiwa nyumbani kwake na majambazi ambao walimteka mlinzi na ndugu yake mmoja kisha kuwashushia kibano kikali huku wakiwaamuru wawapeleke kwenye chumba anacholala msanii huyo,

Mlango nyumbani kwa Alikiba ukionekana jinsi ulivyovunjwa na majambazi na kuiba vitu.

Akizungumza kwa masikitiko makubwa na mwandishi wetu Mei 2, mwaka huu, Abdul Kiba ambaye ni mdogo wa Ali Kiba, alisema usiku wa siku ya tukio alipewa taarifa na Ali Kiba kuwa amevamiwa na majambazi wenye silaha za moto hivyo alikurupuka moja kwa moja hadi Kituo cha Polisi cha Oysterbay jijini Dar ambapo waliripoti na baadaye kupata msaada wa polisi hadi eneo la tukio nyumbani kwa jamaa huyo Kunduchi Beach.

Sebuleni kwa Alikiba vitu vikiwa vimezaga zagaa baada ya kuvamiwa na majambazi na kuibiwa.

“Wakati linatokea tukio hilo nilikuwa Masaki (Dar) na jamaa yangu mmoja anaitwa Bude, kaka (Ali) alinipigia simu na kuniambia kilichotokea nasi hatukuchelewa tukaenda polisi na kuwaeleza hivyo tukaambatana nao hadi nyumbani.

Jamaa mmja ambae hakufahamika akikagua mlango wa chumbani jinsi ulivyovunjwa na kuchukua vitu.

“Tulikuta wamevunja mlango na kuzama ndani ambapo chumbani kwangu walichukua tivii flat screen, viatu na nguo zangu, maana kumbe wakati wanaenda chumbani kwangu walijua ni chumba cha Ali.
“Bahati nzuri majambazi walipofika walimwambia yule ndugu yetu aliyekuwa pamoja na mlinzi awaelekeze chumba cha Ali ambapo aliwapotosha kwa kuwaelekeza kwangu.
“Baada ya kuvunja mlango hawakumuona hivyo wakamuuliza akawaambia hajui labda katoka yeye akiwa amelala ndiyo wakaishia kuchukua vitu hivyo vya ndani.
“Wakati wanafanya hayo yote yeye (Ali Kiba) alikuwa akiwasikia tu chumbani kwake maana hadi wanatoka alikuwa akiwafuatilia kwa makini na hata maneno waliyokuwa wakizungumza yalikuwa yakutishia sana amani yake.
“Nashukuru kaka yangu hajaguswa, ila wameiba vitu kibao maana ukiachilia mbali tivii yangu na nguo wamechukua tivii ya sebuleni na kila kitu kilichobebeka,” alisema Abdul Kiba.
Hadi storyi hili inakwenda mitamboni, jeshi la polisi lilikuwa likiendelea na uchunguzi wa kuwasaka watuhumiwa.

Ni vyema mastaa mbalimbali ambao wanaonesha mali zao kama Emmanuel Elibariki ‘Nay wa Mitego’ na Nasibu Abdul ‘Diamond Platnumz’ wakaimairisha ulinzi nyumbani kwao ili kujilinda zaidi. -Mhariri

photo by:global publishers

Read More

Mashabiki wa Wema Sepetu na Diamond Platnumz..Matusi Hayamjengi Mtu, Yanambomoa!

 

Kutangaza hapa piga :0718 406 300

Kwa mashabiki wa Wema Sepetu na Diamond Platnumz. Hawa wawili ni wasanii wetu wanaokubalika nchini, kila mmoja kwa namna yake na kila mmoja ana mashabiki wake. Waliwahi kuwa wapenzi lkn mambo hayakwenda kama mashabiki na wao walivyotaka wakaamua kwa amani kuachana. Lakini bado wanaheshimiana na hata familia zao zinaheshimiana. Na Wema Sepetu bado anamsapoti Diamond ni msanii wake wa kwanza nchini anayependa kazi zake.

Mpaka hapo, ukishaelewa hayo huwezi kupata ujasiri wa kuwatukana kivyovyote. Hupendi hawako pamoja? Basi support yule unayempenda au kama unawapenda wote wawili endelea kuwasapoti sio kosa lako hawako pamoja! Ni kwa faida yao nzuri tu yenye nia njema. Heshimu mawazo yao...... Sijui khs nia ya team diamond...ila naomba nieleweke kwa wanaompenda Wema... ana projects nyingi zinakuja pia ana issue kubwa nchini ambayo itahusisha watu maalumu ngazi za juu serikalini vile vile si mnaona pia kuna suala la yeye kupigiwa kura?
Ni kwamba Wema anapendwa na watu wengi, lakini kitendo cha watu wanaotumia jina lake kutukana kitaleta makundi na watu kwa kukomoa watasapoti watu wengine au akiwa na issue hawatamsapoti ambapo si vibaya lkn sababu kubwa ni kwamba watu wanatukana sana.

Kuna wengine wanatumia kivuli cha Wema lkn ukweli hawampendi na kuna wanaotukana watu sana mpaka watu hudhan Wema anawatuma au team Wema wahuni lkn si kweli, Wema ana watu wengi wanaombeba wenye heshima zao....pia yeye Wema hatukani au kujibizana na watu kuweni kama yeye, msimchafulie mwenzenu.

Kwa namna hii watu wanaogopa kusema wanampenda Wema hadharani kwa kuhofia kutukanwa hii inampunguzia Wema marafiki. Ukweli ndo huo, sasa kama kweli unampenda Wema onyesha mapenzi yako kumsapoti na sio mwezi mzima unatukana halafu siku moja tu ndo unamsapoti wewe utakuwa sio mpenzi wa Wema.

Ujumbe wa leo: Matusi Hayamjengi Mtu, Yanambomoa!!!

By barbra william

05.05.2015 -  

facebook:barbrawilliam

instargram:barbrawilliam 

Read More

SHETTA “NAMUOMBA MUNGU ANGEMLETA ROSE NDAUKA MAPEMA???”

Posted By : barbrawilliam Posted Date : 04/05/2015

Wimbo wa Ruby Na Yule unaweka wazi Vitu ambavyo Vitakufanya uamini kuwa Mama Kaylah Mke wa Shetta Hajarudi nyumbani baada ya Kumwacha Shetta kwa Kile alichokidai kuwa Shetta Amechepuka na Mwanadada wa Bongo Movie Rose Ndauka.

Kwenye mahojiano ya Juzi Tarehe 29 aliyofanya na Kipindi cha DUNDO cha MJ FM ambapo Shetta alikuwa anaizungumzia Ngoma ya mtu mwingine Ambayo anaikubali Kuliko ambapo aliuchagua wimbo wa Ruby Uitwao NA YULE kama Hit On Chart yake na Hapo ndipo akabanwa na DjHaazu Akazungumza KUPITIA DUNDO HIT ON CHART.

Kama unaifahamu vizuri ngoma ya Ruby Na Yule Hutapingana na mimi kuwa ni wimbo ambao unaweza Kuudedicate kwa Mpenzi wako Mpyaaaaaaaaa….. Sasa Shetta na Mkewe wamepeana Likizo Kimpango Flani sasa unajiuliza Mpenzi Mpya kwake ni naniiiiiii?

KILICHOTOKEA HEWANI KISIKILIZE HAPA CHINI NA UJIULIZE JE ANAMMAANISHA ROSE NDAUKA ANGELETWA MAPEMA KWAKE??

CLICK LINK HII ——> Haazu – SHETTA AKIONGEA NA DJ HAAZU MAMBO JAMBO RADIO – Download and Stream | Audiomack

facebook:barbrawilliam

Instagram: barbrawilliam

Read More

iMh Lowassa ahutubia sherehe za muungano Dubai

Waziri mkuu wa zamani na mbunge wa Monduli Mh Edward Lowassa akitoa salamu zake kwenye sherehe za miaka 51 ya muungano ambazo ziliandaliwa na jumuiya ya watanzania wanaoishi katika falme za kiarabu UAE.Sherehe hizo zilifanyika Jumamosi ya mkesha wa kuamkia tarehe 26 siku ya muungano, katika hoteli ya Shangrila mjini Dubai

---

Facebook:@ barbra william

Instagram: @barbra william@williambarbra

Read More

TUZO ZA WATU MAJINA KUTAJWA

Mtangazaji wa redio anayependwa TZW1         

Dida – Times FM

D’Jaro Arungu – TBC FM

Diva – Clouds FM

Mariam Kitosi – Times FM

Millard Ayo – Clouds FM

Kipindi cha redio kinachopendwa TZW2

Ala     za Roho – Clouds FM

Amplifaya – Clouds FM

Hatua Tatu – Times FM

Papaso – TBC FM

XXL – Clouds FM

Mtangazaji wa runinga anayependwa TZW3     

Abdallah ‘Dullah’ Ambua – EATV  

Salama Jabir – EATV/Maisha Magic

Salim Kikeke – BBC Swahili

Sam  Misago – EATV

Zamaradi Mketema – Clouds TV

Kipindi cha runinga kinachopendwa TZW4

Friday Night Live – EATV

In My Shoes – EATV

Mkasi – EATV

Planet Bongo – EATV

Take  One – Clouds TV

Blog/Website inayopendwa TZW5

djchokamusic.com

issamichuzi.blogspot.com

jamiiforums.com

millardayo.com

timesfm.co.tz

Muongozaji wa video anayependwa TZW6

Abby Kazi

Adam Juma

Khalfan

Hanscana

Nisher

Muongozaji wa filamu anayependwa TZW7

Jacob ‘JB’  Stephen

Leah Mwendamsoke

Timothy  Conrad

Vincent ‘Ray’  Kigosi

William Mtitu

Muigizaji wa kike wa filamu anayependwa TZW8

Elizabeth ‘Lulu’  Michael

Irene  Uwoya

Jacqueline  Wolper

Riyama  Ally

Wema Sepetu

Muigizaji wa kiume wa filamu anayependwa TZW9

Hemedi  Suleiman

Jacob   ‘JB’    Stephen Mzee

King Majuto

Salim ‘Gabo’ Ahmed

Vincent  ‘Ray’ Kigosi

Mwanamuziki wa kike anayependwa TZW10

Lady  Jaydee

Linah

Mwasiti

Shilole

Vanessa  Mdee

Mwanamuziki wa kiume anayependwa TZW11 

Alikiba

Barnaba

Diamond  Platnumz

Jux

Ommy Dimpoz

Filamu inayopendwa TZW12

Chausiku

Kigodoro

Madam

Mshale wa Kifo

Sunshine

Video ya muziki inayopendwa TZW13

Akadumba –  Nay  wa        Mitego

Kipi Sijasikia – Profesa Jay

Nani kama Mama – Christian Bella f/ Ommy Dimpoz   

Wahalade –  Barnaba

XO – Joh  Makini

Read More

IMETOSHA YAENDELZA MKAKATI WAKE KIMATAIFA KUSAFISHA JINA LA NCHI

IMETOSHA yaendeleza mkakati wake kimataifa kusafisha jina la nchi

Mkakati wa kutokomeza unyanyapaa na mauaji ya watu wenye ualbino nchini, uitwao IMETOSHA, juzi ulianza rasmi kujitokeza kimataifa baada ya kushiriki katika pambano la kimataifa la kirafiki kati ya nyota wa zamani wa Barcelona na Veterani wa Afrika Mashariki.

Katika mpambano huo wa kimataifa uliochezwa katika uwanja wa Taifa jijini Dar es Salaam na kuhudhuriwa na  Waziri wa Habari, Vijana, Utamaduni na Michezo, Dk. Fenella Mkangara, Mkuu wa Mkoa wa Dar es salaam, Said Meck Sadick na maafisa kutoka katika mkakati huo walipata nafasi ya kuongea na wachezaji hao nyota wa Barcelona kuhusiana na dhana iliyoko katika nchi za nje ambako inaaminika Tanzania wanauana wenyewe kwa wenyewe kutokana na imani za kishirikina.

Akiongea baada ya mpambano huo ambapo Barcelona waliibuka washindi, Balozi na muasisi wa mkakati huo unaoelekea na sura ya kizalendo na kitaifa, Bw. Henry Mdimu alisema kulikuwa na haja wachezaji hawa warudi na ujumbe kwao wenye majibu ya maswali wanayojiuliza kuhusiana na mauaji ya albino na kukosa majibu.

“Maneno haya ya kwamba sisi tunauana kwa imani za kishirikina, ingawa matukio mengi yapo kanda ya Ziwa lakini nchi nzima inachafuka kwa hiyo haja ya kusafisha jina la nchi kwa mataifa ya nje ipo na sisi IMETOSHA tumeamua kuchukua jukumu”, alisema Balozi huyo ambaye pia ana ualbino.

Mdimu alibainisha kwamba katika mkakati wa kimataifa wameanza kwa kuanzisha tovuti (imetosha.or.tz) ambayo itakuwa ikionesha matukio mbali mbali yanayopinga mauaji na unyanyapaa ili wanaoamini vingine waone kwamba unyanyapaa na mauaji kwa watu wenye ualbino si kitu ambacho watanzania kama taifa wanakifurahia.

Balozi huyo pia alitoa wito kwa kila mtanzania kuuunga mkono mkakati wa IMETOSHA ili katika miaka 20 ijayo  kizazi kijacho kiwe na jamii yenye watu wenye ualbino wanaoishi kwa amani katika nchi yao.

Wachezaji wa zamani wa timu ya Barcelona ya Hispania wakiongozwa na Patrick Kluivert (aliebeba mtoto) wakiingia uwanjani tayari kwa kukipiga na timu ya Tanzania Veterans katika mchezo wa kirafiki uliopigwa kwenye uwanja wa Taifa, Jijini Dar es salaam. hadi mwisho wa mchezo, Barcelona ya Hispania ilishinda bao 2-1.

Mchezaji wa zamani wa timu ya Barcelona ya Hispania, Patrick Kluivert akifurahia jambo na Mtoto Sharifa mwenye Ualbino kabla ya kuanza kwa mchezo wao wa kirafiki dhidi ya Tanzania Veterans uliopigwa kwenye uwanja wa Taifa, Jijini Dar es salaam. 

 

 Waziri wa Habari, Vijana, Utamaduni na Michezo, Dk. Fenella Mkangara (wa pili kulia) akizungumza jambo na Mchezaji wa zamani wa timu ya Barcelona ya Hispania, Patrick Kluivert wakati akiwasalimia wachezaji hao kabla ya kuanza kwa mchezo wa kirafiki dhidi ya Tanzania Veterans, uliopigwa kwenye uwanja wa Taifa jijini Dar es salaam jana.Kulia ni Mkuu wa Mkoa wa Dar es salaam, Said Meck Sadick.

Sehemu ya Wachezaji wa timu ya Tanzania Veterans na Barcelona wakiwa kwenye picha ya pamoja na Watoto wenye Ualbino mbele ya Bango la Mkakati wa kutokomeza unyanyapaa na mauaji ya watu wenye ualbino nchini, uitwao IMETOSHA. 

Read More